Foroesgal pide reformar as leis da economía social e as cooperativas.
Facémonos eco da noticia publicada por El Correo Gallego.
Os membros do Foro pola Economía Social Galega (Foroesgal), destacan a petición de reformas en dúas leis de ámbito galego:
Por unha banda, a de Economía Social, que queren que se acoute como axentes de economía social aos centros especiais de emprego de iniciativa social e emprendemento colectivo;
E doutra banda a Lei de Cooperativas de Galicia, pola que piden unha transformación para adaptala ás novas realidades sociais e económicas.
O Foro pola Economía Social Galega, nace en 2018, impulsado polas organizacións máis representativas das diferentes familias da economía social galega:
- A Asociación de Empresas de Inserción de Galicia (Aeiga), representada pola súa presidenta Isabel Fraga,
- Agrupación Empresarial de Sociedades Laborais de Galicia (Aesgal),
- Asociación Galega de Cooperativas Agroalimentarias (Agaca),
- Asociación Empresarial Galega de Centros Especiais de Emprego sen Ánimo de Lucro (Cegasal), e
- Espazocoop, Unión de Cooperativas Galegas.
Actualmente, Foroesgal representa a 4.788 entidades e empresas, con máis de 74.120 persoas socias, comuneiras ou mutualistas.
Déixovos un link para que poidades ver ampliada a noticia